كورس Angular للمبتدئين

البوست دة هو بداية سلسلة شاملة لتعلم أنجولار من الصفر مع التدريب العملي

الاول خلينا نتعرف علي انجولار ونعرف اية اللي ممكن نعمله بيه واية اللي انجولار مايقدرش يدهولنا

اية هو انجولار؟

انجولار هو frontend framework .. يعني نقدر نعمل بيه الواجهة الأمامية للمواقع

نقصد بالواجهة الامامية أي حاجة عنيك بتشوفها لما بتدخل أي موقع

أما الواجهة الخلفية نقصد بيها أي حاجة بتحصل علي السيرفر زي قواعد البيانات والتعامل مع الملفات

أنجولار بيتكون من مجوعة أجزاء أساسية بنجمعها مع بعض عشان تشكلنا تطبيق كامل

الجزء الاساسي هو الـ component ودة بيمثل الـ view, او بطريقة أبسط: أي عنصر علي الشاشة زي الزراير مثلا والروابط والصور والنصوص وغيرها

بنقدر نتحكم في خصائص الـ component عن طريق الـ directives

أحيانا الـ component بيحتاج يتعامل مع السيرفر أو يشغل أكواد تقيلة شوية, في الحالة دي بننقل الـ logic في service

الـ service بأة بتكون injectable ودي ميزة مهمة جدا في أنجولار اسمها Dependency Injection هنتكلم عنها بالتفصيل قدام شوية

وبنتحكم في المحتوي اللي بيظهر في الـ component عن طريق Pipes

بنربط بأة الاجزاء دي كلها مع بعضها عن طريق module او بمعني أدق NgModule

تقدر تتعرف علي أجزاء أنجولار المختلفة بتفاصيل أكتر من هنا

يلا نعمل أول مشروع أنجولار مع بعض

للاشتراك في Angular Study Group مجانا ادخل جروب الواتساب من هنا

الـ study group بنعمل فيه مشاريع عملية وبنذاكر مع بعض كل جزء بتعمق